係Alex經理房入面...見到個十字架...十字架入面寫左一大堆雞腸...

慶幸...英文既閱讀能力依然仲係度...仲睇得明...不過叫我應用就...嗯...暫時真係唔多掂...投降...

雞腸所講既一個故事...係一個有關信仰既故事...好似似曾相識...一定係唔知幾時聽過...

有個人發夢...佢發夢同主一齊係沙灘行...行左好一段路...行完之後...佢回頭一望...見到有兩行腳印...一行係自己...一行係主既...但係佢又發現...有幾段最難行,最艱辛既路...只係得一行腳印...佢就問主...

主呀...你明明話過你會永遠都與我同在...保守住我...但係點解係我最難行既路...你就掉低我呀?

主就答...傻仔...我當然唔會掉低你啦...我愛你...永永遠遠都唔會掉低你...只係你最難行既時候...我都一直背負住你黎行...

嗯...好有意思...人...唔開心...就只係識得埋怨...甚至埋怨神...但係何曾諗過...自己付出過d 咩...? 只要信...神就會幫你...問題係你信唔信...信心夠唔夠...

信...點解信...? 信咪信lor...唔需要理由...正如愛都一樣...絕對唔需要理由...

我都想同妳講一句...我愛妳...可惜既係...我唔知妳係邊度...

唔緊要...信就夠...我信...神會安排最好既俾我...